Komiks Writer's A

Alan V. Aspiras
Komiks Editor/Writer

Si Alan Aspiras ang editor ng Space Horror Comix at Pantasya Komiks ng GASI noong early 90’s. Ilang taon din akong naging contributor sa mga komiks na hawak niya. Aside from being an editor, he is also a writer at marami rin siyang kuwento na sinulat at nalathala sa kanyang mga komiks na hawak. Kabilang na dito ang aswang character niyang “Anip” na idinibuho ni Vic Catan Jr. Ang karakter niyang ito ay in-adopt ng iba pang scriptwriter kabilang na ako, at nakalikha kami ng mga istoryang nakasalig sa karakter na ito.

Ang kuwentong "Anip" na sinulat ni Alan
Aspiras sa Space Horror Comix

Alex Areta

Komiks/Prose Writer

Sa mga komiks ng Atlas Publication ko nakikita ang mga obrang sinusulat ni Alex Areta noon although naging aktibong prose writer din siya ng mga mini prose novelette na Heart Talk, Dear heart at Golden Love noong dekada 90 sa Counterpoint Publication. Naging klik sa readers ang ganitong babasahin kaya maging ang malalaking publication ay nag-venture dito. Nakilala si Alex sa kanyang pen name na “Althea Areta” bilang romance pocket book writer at napakarami na niyang sinulat na ganitong obra sa iba’t ibang pocket book publisher. I met Alex sometimes in 2003 nang magsimula na rin akong magsulat sa pocketbook. Naging editor namin ang isa ring former komiks editor ng Atlas Publication na si Pablo Baltazar. Kahit nagsusulat sa pocketbook, tuloy pa rin si Alex bilang contributor sa mga komiks ng Atlas at madalas kaming magkita noon sa tanggapan nito. Nang maglahong ganap ang komiks sa merkado, nakatagpo ng kanyang panibagong mundo si Alex. Naging drama scriptwriter siya ng DZRH, kung saan nakasama niya dito ang isa ring dating komiks scriptwriter na si Ganie Jalamanan. Naapektuhan rin si Alex ng lupit ng bagyong Ondoy noong nakaraang taon, pero sabi nga niya, hindi natangay ang kanyang “utak” ng baha at ito ang ipinagpapasalamat niya sa Diyos. Ang utak na ito ang kanyang patuloy na ginagamit para muling makabalikwas sa dinanas na pagsubok.

Isa lamang sa mga prosang mini novelette na sinulat ni
Alex Areta sa Counterpoint Publication

Josie Aventurado
Komiks/Article/Prose Writer

Isa ring komiks scriptwriter si Josie Aventurado bago nagsulat ng mga kuwento at nobelang prosa. She wrote more than 150 Filipino romance novels (all bestsellers), and recently, academic supplementary materials, English fiction, and more magazine articles. Noong una akong mag-try sa pagsusulat ng mga kuwentong prosa sa ibinalik na Bulaklak Magazine under Tiger Publishing Corp., na pinamamatnugutan nina Loren Banag at Virgilio Blones, isa si Ms. Aventurado sa nabanggit sa editorial box nito kung saan dito ay kinikilala ang kanyang kahusayan sa pagsusulat. Ang nobelang sinulat niya noon sa short lived Bulaklak Magazine ay ang “Sa Apoy Paaalipin”

Ang nobelang "Sa Apoy Paaalipin" na sinulat ni Josie
Aventurado para sa Bulaklak Magazine

Reference: Komixpage File

Rod Santiago

Rod Santiago
Komiks Illustrator/Writer

Gaya ni Nestor Redondo, naging estudyante rin si Rod Santiago ng Mapua Institute of Technology nang magsimula ito sa kanyang illustration career. His initial stint in the komiks field was with the G. Miranda & Sons Publication pero ang nagsilbing malaking break niya ay noong late 60’s, nang maka-tandem niya ang mga pamosong nobelista noon na sina Pablo S. Gomez at Mars Ravelo. Siya rin ang nagdibuho ng “Anak ng Bakulaw” na sinulat ni Pablo para sa sarili nitong publication.

Nang itatag ang GASI sa pamamahala ni Tony S. Velasquez, isa siya sa mga fresh talent na na-draft upang muling maka-tandem ni Mars Ravelo. Siya ang nagdibuho ng mga nobela nitong “Sex Symbol” “Fantastic Four ” at “Goomboo Roomboo” na sinubaybayan ng maraming mambabasa. Sinundan pa ito ng isa pang nobela ni Ravelo na “Ganid” na sinulat naman para sa bagong Ace Publication na pinamamahalaan naman ni R.R. Marcelino. Dito naramdaman ni Rod na kaya rin niyang magsulat and at the same time illustrate it gaya ng ginagawang katha’t guhit ni Francisco V. Coching.

Ang kanyang unang nobelang sinulat at iginuhit ay ang “Badman” na naging moderate success at nalathala Hapi-Hapi Komiks. Sinundan pa ito ng “Nino and Tarzan” para sa GASI, “King of the Cancha” “Ang Paa ni Isabelita” at ang “The Mantis” para naman sa Hiwaga Komiks ng Atlas Publication. Ang nobelang ito rin ang pinaka-successful sa kanyang mga kinatha at iginuhit. Marami ring sinulat na nobela si Rod Santiago na ibang komiks illustrator ang nagdibuho at ilan sa mga ito ay ang “Dino Dinero” with Clem Rivera “Billy Boga” with Dannie Taverna, at “Ang Sandok ni Boninay” with Joe Mari Moncal. (See Rod Santiago's some list of published work in Komiklopedia)

Noong kasagsagan ang pocket komiks ng Atlas Publication, isa sa kanyang creation dito ang “Kapitan Aksiyon” na lumabas sa Super Action Pocket Komiks. Maging noong dekada 90 ay aktibong-aktibo pa rin si Rod sa paggawa ng kanyang mga obra. Ilan sa mga nakikita kong katha’t guhit niya sa GASI noon ay ang “Talamak” “Kerubin” at marami pang iba. Noong 2007, tinangkang ibalik ng Sterling-CJC ang komiks at isa si Rod sa may ginawang mga obra kung saan nalathala sa Gwapo Komiks isa ditto, ang kanyang katha’t guhit na “Bangaw”

(Courtesy of Komiklopedia)

Kapitan Aksiyon
(Super Action Komiks)

Ilan lamang sa mga cover illustrations ni Rod Santiago
ng kanyang mga katha at guhit

(Courtesy of Komiklopedia)

Valcan
(Pilipino Komiks)

Bangaw
(Gwapo Komiks)

Kahit Isang Patak na Luha
(Pilipino Komiks)

Ang obrang sinulat at iginuhit ni Rod Santiago
para sa Golden Anniversary Issue ng
Pilipino Komiks

Reference:
A History of Komiks of the Phil. & Other Countries
Komiklopedia
Komixpage

Ester Aragon

Ester Aragon
Komiks/Literary Writer

Sa isang kuwento na lumabas sa Pogi Komiks noong 1983 ko unang nabasa ang short story na sinulat ni Ester Aragon. Sa komiks ding ito nalathala ang kanyang nobelang “My Darling Houseband (Lalaking Bahay)” noong 1976 na pinagtambalan nila ng illustrator na si Vic Geronimo. Mula nang magsulat ako sa komiks, dahil hindi ko pa nakikita si Ester Aragon akala ko ay isa nga siyang babae. Lately ko na lang natuklasan na lalaki pala siya at isang literary writer na sumulat na ng maraming kuwento at nobela sa mga magasin at peryodiko. Kabilang sa kanyang mga sinulat ang nobelang “Dilim sa Umaga” na pinagkalooban ng unang gantimpala sa patimpalak ng Liwayway noong 1967 at ang maikling kuwentong “Kamatayan ni Tiyo Samuel” na nagtamo ng unang gantimpala sa Palanca noong taong 1967 din.

Isa rin siya sa awtor ng “Agos sa Disyerto” (1964, 1974, 1994). Ilan sa kanyang mga aklat ang “Isang Babae sa Panahon ng Pagbangon” (1998) at “Sila Noon… Oral na Kasaysayan ng Siyam na Manunulat sa Tagalog” (2001). Noong 1993, tumanggap si Ester Aragon ng plake at medalyang ginto sa Gantimpalang Quezon na tampok sa pagdiriwang ng Quezon City Foundation, kasama ang dalawa pang nobelista ng komiks na sina Elena Patron at Pablo S. Gomez.

Si Ester Aragon o Efren Abueg sa tunay na buhay ay naging aktibo sa pagtuturo ng wika at panitikan sa MLQ University (1965-1972), Philippine College of Commerce (1971-72), Pamantasan ng Lungsod ng Maynila (1974-77), Ateneo de Manila University (1977-78) at sa De La Salle University. Naging pangulo rin siya ng Kapisanan ng mga Propesor sa Pilipino (KAPPIL, 1986-88), at Linangan ng Literatura ng Pilipinas (Literary League of the Philippines) at direktor ng Philippine Folklore Society. Ngayon, nagturo sa graduates schools ng PUP, at UPH-D. At hawak niya ang tropeo bilang Outstanding Caviteno sa larangan ng Panitikan.

Sa ngayon ay aktibo pa ring nagsusulat ng mga nobelang prosa sa Liwayway Magazine si Efren Abueg

Isa sa mga short love story na sinulat ni
Ester Aragon na idinubuho ni
Rey Arcilla

Ang nobelang sinulat ni Ester Aragon para
sa Pogi Komiks

Ang isa sa mga aklat ng nobelang prosa na sinulat ni
Ester Aragon o Efren R. Abueg

Reference: Komixpage File

Komiks Writer's A

Abrigo, Dommy
Komiks Scriptwriter

Ama ng cartoonist na si Freely Abrigo. Noong 80's ay may mga
nakikita akong sinusulat na obra si Dommy Abrigo sa
mga komiks.

Andrade, Clerbie
Komiks Scriptwriter

Noong mid 80's ko nakikita ang mga obra ni Clerbie Andrade na
lumalabas sa mga pocket komiks ng Atlas Publication.
Siya ang creator ng superhero na si Spaceman na inilat-
hala ng Pilipino Superheroes Pocketkmiks ng
Adventures Illustrated Magazine.

Abulencia, Perry
Komiks Scriptwriter

Noong Dekada 90 rin naging aktibo sa kanyang scriptwriting career si
Perry Abulencia sa mga komiks ng GASI, Sonic Triangle at Affiliated
Publication. Nagsusulat siya horror, fantasy, drama-love story.
Noong ilabas ang X-Pat Files Komiks dalawa kaming naging
aktibong contributor dito. Nagsusulat siya ngayon sa
Liwayway Magazine ng komiks
at kuwentong prosa.

Aquino, Orly
Komiks/TV Scriptwriter

Hindi lang sa komiks aktibong magsulat ng script si Orly Aquino,
noong Dekada 90. Nagsusulat din siya ng mga script sa TV.
Nanalo na rin ng award ang sinulat na istorya ni Orly
mula sa Citizens Council for Mass Media

Arquero, Romeo
Komiks Writer

Atalia, Rey
Komiks Writer

Reference: Komixpage File

Jun Marcos

Jun Marcos
Komiks Illustrator

Dekada 80 ko unang nakita ang mga obra sa komiks ni Jun Marcos na lumalabas sa Kuwento Komiks. Noong 1986, nakapag-dibuho rin siya sa mga pocket komiks ng Atlas Publication at dito ay nakatandem ko siya sa sinulat kong kuwento para sa Kasaysayan Pocket Komiks. Ang mga sumunod naming pagta-tandem ay sa mga komiks na ng GASI nang tumawid ako ng bakod. Aktibong dibuhista dito si Jun Marcos noong dekada 90. Sa mga horror, fantasy at love stories na sinusulat ko, particularly sa Halimaw, Super Kilabot, Super Fantasy at Lovelife Komiks kami madalas nagkakasama.

Ang cover illustration ni Jun Marcos ng istoryang
"Ama" na sinulat ko para sa Kasaysayan
Pocket Komiks

Dapat Pasalamatan
(Lovelife Komiks)

Ang ilan sa mga istoryang sinulat ko sa komiks
na naka-tandem ko si Jun

Niyebe
(Super Fantasy Komiks)

Pangit na Anyo
(Super Kilabot Komiks)

Walang Bubuhaying Saksi
(Halimaw Komiks)

Reference: Komixpage

Estelita Adriano

Estelita Adriano
Komiks/ Prose Writer

Early 80’s ko unang nakita ang mga obrang sinulat ni Estelita Adriano sa komiks, pero 1975 pa siya nagsimulang magsulat habang nag-aaral ng kursong Komersiyo sa San Sebastian College Recoletos, Cavite City. Someone special in the family spoke to her and said, “You took up Commerce in college and now you are wasting your time writing fiction stories!” I’m sure I’m happy with what I’m doing so I just put aside what I heard and took no significance of it, pahayag ni Estelita. “My life is incomplete without writing a song or a story. Yes, I’m married to my first love -- writing scripts. What keeps a dreamer going is love, determination and commitment to what he/she is inclined to do. “For better or for worse, Till death I part.” I thanked the CREATOR for this wonderful gift of writing HE gave me,” dugtong pa niya.

Ilan sa mga nakasabayang komiks writers ni Estelita ay sina Louila Herrero, Gilda Olvidado, Helen Meriz, Ofelia Concepcion, Florence Maglalang, Citadel Mariano, Rufina Juatco, Tia Fel, Ate Enry, Ite Caring, Ate Norma, Andrew Baltazar, Catherine Diamante. “They are my fellow writers in the komiks industry whom I could say, been great people and friends. We all love entertaining people with our simple prowess in writing” pahayag niya patungkol sa mga nakasamang writers. Noong mid 90’s, naging aktibo rin si Estelita sa pagsusulat ng mga mini prose novel sa Counterpoint Publishing House Inc. na naglalathala ng Dear Heart at Heart Talk. Marami akong nakitang obra dito ni Estelita.

Isa ring nasa industriya , ang naging kabiyak ng puso ni Estelita, ang komiks illustrator na si Perry Cruz na ayon sa kanyang paglalarawan ay “A man of few words and a faithful one.”

Noong nakaraang bagyong Ondoy, ang pamilya ni Estelita Adriano ay dumanas rin ng pagsubok at labis na naapektuhan. Ganoon man, sinisikap nilang muling tumindig mula sa pagkakaluhod dahil malaki at hindi nawawala ang kanilang tiwala sa Diyos AMA.

Estelita''s written story noong 1983 sa
Pilipino Reporter Komiks

Ang dalawa sa pocket mini novel na mayroong
ginawang obra si Estelita na inilathala
ng Counterpoint Publication

Reference:
Komixpage File
Webkomiks

Joey Gutierrez

Joey Gutierrez

Komiks Illustrator

Early 80’s ko pa nakikita ang mga obra sa komiks ni Joey Gutierrez particularly sa Universal Komiks ng Affiliated Publication. Ka-estilo niya si Rico Rival. Noong dekada 90, naging aktibo siyang komiks illustrator sa mga komiks ng GASI. Madalas kong maka-tandem si Joey sa Space Horror Komiks. Maging sa Sonic Triangle Publication ay aktibo rin siya bilang contributor. Nakikita ko ang mga obra niya sa Mga Kuwento sa Dilim Komiks at Shake Rattle & More Komiks. May mga pinagtambalan din kaming dalawa sa mga komiks na ito.

Ang isa sa cover illustration na ginawa ni Joey
para sa Nightmare Komiks

Bitag
(Mga Kuwento sa Dilim Komiks)

Ang ilang istoryang sinulat ko na naka-tandem
ko si Joey

Isang Naghahanap, Isang Naghihintay
(Space Horror Komiks)

Magkaribal
(Pantasya Komiks)

Salvage
(Shake Rattle & More Komiks)

Reference: Komixpage File