Tuesday, January 1, 2019

Ding San Juan



Ding San Juan
Komiks Writer/Poet

Hindi lang komiks writer,  si Ding San Juan o Gaudencio San Juan ay isa ring kawal sa hukbong sandatahan at may ranggong Major. Dahil likas sa puso niya ang pagmamahal sa wika, siya ay naging katulong na tagapagtatag at nahalal na pangalawang pangulo ng Kapisanan ng mga Kawal na Manunulat sa Pilipino (KAKAMPI) noong 1974. Nagsulat siya ng mga kuwento sa Liwayway Magazine, GASI, API at iba pang local komiks publication. Nagkaroon siya ng weekly series  sa Pilipino Reporter, ang “Aklat ng Kagitingan”, at sa Liwayway ay “Talaan ng Kagitingan”. Hindi lang manunulat isa ring makata si Ding at nagsulat ng mga tula. Noong 1974-76, naging Lakandiwa siya sa “Natatanging Balagtasan” sa radio DZXO, at noong 1984, sa “Bagong Oras ng Balagtasan” na pinangungunahan nina Pablo Reyna Libiran (Editor ng Lovelife) Elena Sunpongco at Rodolfo A. Milan. Naging aktibong kasapi rin si Ding San Juan sa FAMAS, at iba pa. Nagtapos ng Bachelor of Science in Education si Ding sa Philippine Wesleyan College  at nag-master of Arts in Education sa University of the East. Noong 1984, pinagkalooban siya ng “Gawad Pagkilala” mula sa Surian ng Wikang Pambansa, dahil sa kanyang malaking nai-ambag sa pagpapalaganap ng wikang pambansa. Komixpage is remembering komiks writer/poet Ding San Juan.

Hindi Malalanta ang mga Rosas
Written by Ding San Juan
Illustrated by Gary Reyes





Tuesday, December 18, 2018

Neal Adams Mongcal


Neal Adams Mongcal
Komiks Illustrator/Writer

May mga komiks illustrator na kung hindi kapatid ang kanilang nai-impluwensiyan ng kanilang mga dibuho, ang mga anak naman nila ang nagmamana ng kanilang estilo. One particular example is Joe Mari Mongcal who produced a son, Neal Adams Mongcal na naging dibuhista rin sa komiks. Katunayan, lately ko lang nalaman na si Joe Mari at Neal Adams ay dalawang personalidad when I talked to former GASI editor Steven Dimaya. Inakala ko kasi noon na ginagamit at inilalagay lang ni Mang Joe Mari ang pangalang Neal Adams sa kanyang mga larawang guhit dahil halos identical ang kanilang mga estilo. So, I have to give now the credit to Neal Adams Mongcal sa kanyang mga naging contribution sa komiks industry. Katunayan naka-tandem ko siya sa ilang kuwento na sinulat ko gaya ng “Lihim ng Susi”, “Sariling Diskarte”, “Anak” at “Umuwi ka sa Diyos”. Hindi lang dibuhista, writer din sa komiks si Neal Adams Mongcal at marami  akong kuwento na nabasa na siya ang sumulat. Komixpage is remembering komiks writer/illustrator, Neal Adams Mongcal.

Susi ng Lihim
Written by Arman T. Francisco
Illustrated by Neal Adams Mongcal

Anak
Written by Arman T. Francisco
Illustrated by Neal Adams Mongcal

Sariling Diskarte
Written by Arman T. Francisco
Illustrated by Neal Adams Mongcal

Umuwi ka sa Diyos
Written by Arman T. Francisco
Illustrated by Neal Adams Mongcal


Wednesday, November 28, 2018

Narciso S. Morales


Narciso S. Morales
Komiks Writer/Novelist

Marami pa  akong hindi nakikilalang komiks writer/novelist na nakapagbahagi ng kanilang mga obra sa komiks ilang dekada na ang nakalilipas particularly those veteran writers na hindi ko inabot (50's, 60's,70's) Thanks sa social media dahil nagkakaroon ako ng chance na makilala at makita ko ang ilan sa kanilang sinulat. Isa dito si Ginoong Narciso S. Morales. Siya ang sumulat ng nobelang “Bastardo” na idinibuho ni Jess Jodloman sa komiks (courtesy of Rodolfo Samonte) at “Anak ng Hapon” na iginuhit naman ni Mar Santana (courtesy of Randy Valiente). Sa isang post na nakita ko (shared by Mr. Valiente) kasamang na-nominate si Narciso Morales, together with Francisco V. Coching and Pablo S. Gomez sa kategoryang Best Heavy Drama Serial Writer sa CCMM award noong 1970. Marahil, marami pang nai-share na obra si Mr. Narciso Morales noong panahong aktibo siya sa pagsusulat sa komiks but one thing is sure, his contribution became a part and parcel of this medium (komiks) at nararapat lang alalahanin o pagbalikang tanaw. Komixpage is remembering komiks writer/novelist Narciso S. Morales.


Bastardo
A novel written by Narciso S. Morales
Illustrated by Jess Jodloman
(courtesy of Rodolfo Samonte)

Anak ng Hapon
A novel Written by Narciso S. Morales
Illustrated by Mar Santana
(Courtesy of Randy Valiente)



Tuesday, November 27, 2018

Wednesday, November 21, 2018

Reynaldo N. De Leon


Reynaldo N. De Leon
Komiks Writer

Isa sa mga kabataang writer na nagkaroon pa ng pagkakataong makapag-ambag ng mga sinulat niyang obra sa komiks si Reynaldo N. De Leon. Bagamat nasa dapit-hapon na noon ang kalagayan ng komiks sa Filipinas (1999) at the age of 16 years old,  nagsimula siyang maging contributor ng kanyang mga  kuwento sa Solid Gold Publishing Corp.  After Solid Gold lumipat siya sa Atlas Publication at dito na siya naging aktibong muli sa pagsusulat. From 2000 to 2004, naging tahanan ng kanyang mga obra ang mga komiks ng Atlas under the watch of then, Editor in Chief Terry Bagalso and Jocelyn Domingo. Isa sa obrang sinulat ni Reynaldo De Leon ang kuwentong “Ang Hiwaga ng Buhay” na idinibuho ni Hermoso D. Pancho. Sa ngayon, isa pa ring manunulat si Reynaldo De Leon, bagamat sa ibang medium na. At present he is a feature writer at Philippine One. And to those who don’t knew him, he’s also a Psychic reader. Komixpage is remembering komiks writer Reynaldo De Leon.

Ang Hiwaga ng Buhay
Written by Reynaldo De Leon
Illustrated by Hermoso D. Pancho


Konsensya
Written by Reynaldo N. De Leon
Illustrated by Hermoso D. Pancho


Katuparan ng Pangarap
Written by Reynaldo N. De Leon
Illustrated by Al Cabral


Bestida ni Lola
Written by Reynaldo N. De Leon
Illustrated by Jason Saldajeno


Narito ang ilan sa mga educational books
kung saan isa si Reynaldo De Leon 
sa mga nagsulat

Learning English

Dakilang Pag-asa (Gabay sa Mabuting
Pagpapakatao)

Science 1
Practical Ways


Thursday, October 25, 2018

Komixpage (Remembering the Decade in Philippine Komiks History where we once belong)




Komixpage (Remembering the Decade in
Philippine Komiks History where we once belong)
Unang Aklat

Although bibilang pa ng ilang araw bago ko matapos ang binubuo kong aklat na hinango ko sa aking Komixpage Blog post, using all available materials and equipment’s (computer, printer and scanner) that I had nakalulugod isipin na hindi lang sa internet/website ko ito makikita kung hindi makakasama na sa hanay ng mga ipinalibro kong mga obra ko sa aking book shelves. Bukod dito kahit walang computer, cellphone at iba pang gadget, makikita ko ang nilalaman nito. Kahit brown out ay puwede ko pa rin itong mabasa. Time consuming lang ang pag-e-edit ko nito at pag-aayos sa mga nilalaman na di tulad ng nasa aking Komixpage blog na very raw ang pagkakasulat at unedited. Inuna ko munang isa-aklat ang hanay ng mga dibuhista na nagsilbing “faces of Philippine traditional komiks” noon hanggang sa maglaho ito sa circulation. First love ko na maging dibuhista sana sa komiks noon, pero sa pagsusulat ako na-hook kaya ito ang inuna ko.  Gumawa na ako ng lay-out ng magiging cover ko nito (tentative) and I hope sooner or later matapos ko agad ito.

Wednesday, October 24, 2018

Larry Alcala: A New National Artist na Taga-Komiks


Lauro "Larry" Alcala
National Artist

Sa pagkakahirang sa yumaong cartoonist na si Lauro “Larry” Alcala bilang National Artist, isa na namang “lehitimong taga-komiks,” aside from Francisco V. Coching ang nadagdag sa talaan ng mga pangalang nagbigay halaga at karangalan sa medium na ito, ang KOMIKS. Kung ating aalalahanin, kabilang si Larry Alcala sa mga tinatawag na pioneer cartoonist na nagpasimula at nagbigay tatag sa industriya ng komiks noong kanyang kapanahunan. Katunayan sa komiks niya ipinakilala at pinagalaw ang kanyang maraming cartoon characters na sumikat at naging kaaliwan ng mga ordinaryong Filipino sa halos limang dekada.  Bagamat naglaho na ang traditionl komiks sa panahon ngayon, ang mga “natitirang survivors” ng mainstream komiks ay labis na ikinagalak at ipinagdiwang ang pagkakahirang na muli sa isang  personaheng tunay na nagpahalaga, nakapag-ambag ng kanyang mga obra at ibinuhos ang mahabang panahon ng kanyang buhay sa medium na itinuturing ng ilan na mababa, ang komiks. Ako at ang aking Komixpage Blog ay kasama sa mga nakikiisa at nagbibigay-pugay at pagsaludo sa yumaong si Larry Alcala.